الهتافات الموحدة في يوم 25 يناير

نرجو النشر في كل مكان: الهتافات الموحدة في يوم 25 ينايرمن كلنا خالد سعيد‏ في 21 يناير، 2011‏، الساعة 03:07 مساءً‏‏
مهم جدا: مفيش أي لافتات دينية أو سياسية في الوقفة عشان منخليش الأمن ياخد أي فرصة لتوجيه أي اتهامات لأي شاب أو بنت في الوقفة

كلنا معانا علم مصر وكلنا هنهتف الهتافات دي:



تحيا مصر ..تحيا مصر

عيش ... حرية ...كرامة انسانية

حرية ..حرية ...حرية ..حرية

يا حرية فينك فينك.....الطواريء بينا وبينك

مش هنخاف مش هنطاطى....احنا كرهنا الصوت الواطى

شعب تونس يا حبيب....شمس الثورة مش هتغيب

بالروح بالدم.......نفديك يا وطن

ارفع صوتك قول للناس......احنا كرهنا الظلم خلاص

واحد اتنين....احنا المصريين

صحى الخلق وهز الكون....مصر بلدنا مش هتهون

راجعين راجعين...يا بلدنا مش خايفيين

جايين جايين...يا بلدنا نوفى الدين

لما شعب تونس قام...هرب اللص والمدام

حد أدنى للأجور..قبل الشعب ما كله يثور

حقى ألاقى شغل واعيش..والملاليم ما بتكفيش

يلا يا مصرى صحى الروح...الحرية باب مفتوح

المحدود الدخل يموت..ولا ينادى بعلو الصوت

يلا يا شعب عدى الخوف....خلى الدنيا تصحى تشوف

شعب حضارة ومجد سنين...مش هيطاطى ليوم الدين